Haustens første pipebrann

Like før klokka halv seks i går ettermiddag kom det melding om pipebrann i ein bustad på Mobergslio.

Brannsjef Eivind Hovden fortel at det var naboar som varsla om pipebrannen.

– Vi rykte ut med eit vaktlag og var raskt på staden. Det var ingen dramatikk, og brannen var mykje sløkt av seg sjølv då vi kom til adressa.

Hovden fortel at brannen heldt seg til sjølve pipa, så det vart ikkje røykskadar eller andre skadar på bustaden.

– Etter at vi hadde feia og kontrollert temperaturen i pipa kunne bebuarane flytta inn att.

Hovden legg til at brannen i går er haustens første pipebrann i Os, og han oppmodar folk om å syta for god vedfyring.

– Det er viktig å ha god trekk, og ikkje minst bruka god og tørr ved.