Håva inn på odds

Odds på MidtsidenCup gav god respons, og for Thomas Skjelde frå T. Ullrich blei det også kjempegevinst.

Kjetil Vasby Bruarøytirsdag 20. okt. 2009 10:04

Speleselskapet Betsafe.com sette opp vinnarodds på årets MidtsidenCup, som gjekk av stabelen på Kuventræ i veka og helga som var. Sjølv om oddsen kom på lufta først dagen før første puljespel starta, tysdag i førre veke, var responsen god.

- Vi er svært nøgd med interessen for Midtsiden Cup. Nesten 50 spelte, så vi set gjerne opp odds på fleire kategoriar av turneringa neste år, seier mediamanager Mikael Mellquist frå Betsafe.

Vann 10.000 kroner på seg sjølv
T. Ullrich starta med 6 i odds, men denne blei justert til 11. Den einaste som satsa på det som blei vinnarlaget, var Ullrich-spelar Thomas Skjelde.

- Eg hadde stor tru på oss, så eg sette ein tusenlapp på laget mitt, seier Thomas.

Finalen starta ikkje så bra, med 0-1 og press frå motstandar Bikkjo. Men Ullrich fekk straffe,som Øyvind Steffensen sette, og med 1-1 etter full tid og golden goal måtte finalen avgjerast på straffe. Heller ikkje her var odrinære tre straffar nok, men T. Ullrich vann til slutt på ei god redning av Chris Kytiri.

Dermed kunne ein strålande nøgd Skjelde junior håva inn 10.000 kroner i gevinst.

God STIL gav minus
Vinnarlaget Tilbake til Fremtiden var det laget i dameklassen som det var spelt mest på, så her blei det minus for speleselskapet.

Vinnarlaget i Mix-klassen, God STIL, var det desidert mest spelte laget uansett klasse, så også her blei det raude tal for Betsafe.

- Totalt sett enda vimed nullresultat for MidtsidenCup, seier Mellquist, nøgd med interessa for å spela og gambla på gatecupen.