Like heil, men ikkje ferdig
Gjestebrygga er snart like heil som før uvêret i oktober i fjor. Men framleis står mykje arbeid igjen.


For drøye to veker sidan starta Vestafjell Bøe & Lepsøy arbeidet med å bygga opp igjen den øydelagte delen av gjestebrygga.
- Brygga er mykje sterkare no, med auka dimensjon på materialane og dobbelt så mange klavar, seier Eivind Gjerde (t.h.).
No er dei nesten ferdig med første del, men også resten av brygga skal styrkast.
- I neste veke kjem arbeidsbåten Samba til Os med cirka 20 pålar. Desse skal ned mellom eksisterande pålar. I tillegg skal det ned betongfylte kummar for å bryta bølgjene, og nye materialar og feste fleire stadar.
- Vi har nok arbeid her ut mai, trur Gjerde.
Kva med nasjonaldagen?
Det er ikkje så mykje meir enn to veker til 17. mai. Gjestebrygga er ein populær stad å spankulera på nasjonaldagen, særleg om vêret er bra.
- Vi kjem nok til å ta omsyn til dette, at vi bereknar det slik at brygga er ryddig og fin før vi tar helg, så sundag 17. mai blir ein trygg dag å ferdast i hamna, seier Eivind Gjerde.