Sport | 22. feb. 2018

Held fram på vinnarsporet

Etter ein sterk haust har damelaget til Os styrka stallen og vunne treningskamp mot Bergen Nord frå divisjonen over.

Held fram på vinnarsporet
Stian Kvåle på treningsfeltet måndag, dagen etter 2-0-siger over Bergen Nord. (Foto: Kjetil Vasby Bruarøy)
Kjetil Vasby Bruarøy
Kjetil Vasby Bruarøytorsdag 22. feb. 2018 09:21

Os sitt damelag runda av fjorårssesongen med siger i 3 av dei siste 4 kampane. Serieavsluttinga enda 0-0.

Laget fekk seg eit løft då dei etter sommaren fekk opp fem 16-åringar frå eigen stall.

Stian Kvåle, som i vinter overtok som hovudtrenar etter Rafael Villén, held fram den gode utviklinga.

– Vi har lagt stabilt på oppunder 20 spelarar på trening. Dette er veldig bra så tidleg i oppkøyringa, og det er utanom det nystarta 7-arlaget, som har vore oppe i 10 på trening, men som framleis har plass til nokre fleire, seier Kvåle.

Nye spelarar

Fleire tidlegare spelarar har kome i trening igjen, både yngre og vaksne.

– Victoria Hufthammer og keeper Emilie Bøe frå Nore Neset (begge fødd i '99) har trent med oss i det siste, og Marita Arentzen er tilbake.

Arentzen var toppscorar sesongen ho sist spelte, men blir no omskulert til midtstoppar.

– Vi har òg fått opp nokre nye frå '02-årgangen, fortel Kvåle.

Slo Bergen Nord 2-0

Søndag spelte Os sin første treningskamp for vinteren, med unntak av ein internkamp mot J17.

Motstandar var Bergen Nord, som kom på 9. plass i 3. divisjon, divisjonen over Os, i fjor.

– Eg er nøgd med både spelet og resultatet. Vi var gode defensivt og vi skapte mange sjansar.

Os hadde med seg den talentfulle kretslagsspelaren Malin Ludvigsen (2003). Ho trener normalt med gutelaget til Os.

Malin skåra det eine målet, Charlotte Balland det andre. Os vann 2-0.

Til Tyrkia med 16 spelarar

Til helga reiser damelaget på treningsleir i Tyrkia, saman med A-laget og Os 2.

– Det var 16 spelarar som hadde sjanse å bli med, så det blir ei fin gruppe å reisa på tur med, seier Kvåle.

I mars har dei treningskamp mot Askøy, som rykte ned frå 3. divisjon i haust.

Seriestart er heime mot Rosendal/Trio 15. april.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.