midtsiden

Held spenninga oppe

Sjølvmål, straffe og 300 på tribunen - Os 2 fekk ein spennande bortekamp på Osterøy i dag, men klarte ikkje å avgjera avdelinga.

Av: Kjetil Vasby Bruarøy

Med siger i dagens kamp ville Os 2 vore klar for opprykk til 3. divisjon. Men Valestrand Hjellvik, som også kjempa om 2. plassen og opprykksplassen, fekk det eine poenget i dagens oppgjer.

Os vann 5-1 på Kuventræ i sommar i dagens bortekamp blei det 2-2 (1-1).

- Eit greit resultat. Vi hadde kvar vår omgang, og både alvoret og livet på tribunen blei ei god erfaring for dei unge gutane våre, seier Os 2-trenar Tore Nielsen.

Valestrand Hjellvik er kjent for publikummet sitt, i tillegg hadde mange uniformerte Os-supportarar tatt turen til Osterøy i dag.

Sjølvmål og straffe
Heimelaget tok leiinga i 37. minutt. Vegard Leikvoll Moberg var uheldig då han skulle klarera eit frispark, ballen gjekk i boge over både forsvar og keeper og landa i eige mål.

I 43. minutt fekk han høve til å retta opp igjen. Mats Lepsøe blei felt innanfor 16-meteren og Vegard putta på straffen.

Det sto 1-1 til pause.

Os tok leiinga
I andre omgang var det Os som skåra det første målet. Eit innlegg frå Baste Jonassen blei nikka ned av Tim Henrik Sperrevik. Fram kom Tore Valvik og banka inn 1-2 til Os.

Heimelaget utlikna på eit godt frispark i 73. minutt.

Os 2 sitt lag i dagens kamp: Kjetil Hansen, Baste Jonassen, Dani A. Bergstø, Vegard Borgen, Mats Lepsøe, Vegard Leikvoll Moberg, Tore Valvik, Torkel Hjertnes, Erik Kanestrøm, Ramo Racic og Tim Henrik Sperrevik.

Ingen av innbytarane kom innpå. På benken sat: Even Bjoarvik, Kristoffer Sande, Espen Kopperud, Vegard Engelsen Moberg, Børge Borgen og Sven Lyssand.

- Vår beste spelar i dag var Dani, han tapte ikkje éin duell. Midtstopparkompisen hans, Vegard Borgen, var også god, saman med Tore Valvik, seier Tore Nielsen.

Les om kampen minutt for minutt på vhfk.no.
(Her kjem truleg også filmsnutt frå kampen)

Med dette ligg framleis Os 2 på 2. plass. Om dei rykker opp blir avgjort i siste serierunde, på heimebane mot Loddefjord, som ligg på 4. plass. Denne kampen går sundag 18. oktober kl 16.00.

Os 2 tapte 5-4 for Loddefjord på bortebane i sommar. Valestrand Hjellvik møter naboklubben og botnlaget Osterøy i siste runde.

SJÅ TABELL

Fleire saker