Heimekampen mot serievinnaren i haust enda 1-3. (Foto: KVB)
Heimekampen mot serievinnaren i haust enda 1-3. (Foto: KVB)

Heldt nullen til pause

Os fekk det tøft mot Vard Haugesund.

Kjetil Vasby Bruarøy
16. februar 2020 - 10:56

Laurdag spelte Os sin fjerde treningskamp for vinteren. Dei har starta oppkøyringa med å tapa 6-2 for Åsane, slå Fana 1-2 og tapa 3-0 for Fyllingsdalen.

I går var det bortekamp mot Vard Haugesund, som vann Os si avdeling i fjor, men som Os slo på bortebane (2-3) og hadde taket på, men tapte for (1-3) då dei møttest på Kuventræ seint på hausten.

I går blei det komande Post Nord-laget for sterkt.

– Vard har overtaket, men vi gjer ein god førsteomgang, der vi ligg kompakt, er aggressive og har mykje god samhandling utan ball, seier Os-trenar Endre Brenne.

Os hadde kraftig motvind før pause, og trudde dei skulle få hjelp av medvind i andre omgang.

– Dessverre blei det ikkje sånn. Vi hadde håp om å ta over initiativet, men gjekk i staden litt opp i liminga. Samla sett blei det ingen god kamp av oss, men eit stykke læring både for spelarane og underteikna.

Vard Haugesund - Os 4-0 (0-0)

Os sitt lag: Chris Sunde Midtun (Kasper Færøvik 60.) - Anders Havsgård (Johannes Lie 70.), Vegard Strønen Skeie, Sander Dyngeland (Thomas Færøvik 60.), Harry Moore - Torgeir Lunde, Steffen Kvamsdal, Marius Mikkelsen (Tobias Nøss 60.) - Thomas Spilde - Roger Ekeland, Sander Kvittingen (Elias Myrlid 60.)

Les meir om

Fotball Os herre