Lokal | 01. des. 2010
Herrelaus hund og narkobeslag
Politirapporten: Eigaren fekk att hunden sin og to blei anmeldt for oppbevaring av narkotika.

Andris Hamreonsdag 01. des. 2010 09:53
Tysdag morgon kom tilsette på ein bensinstasjon på Os over ein hund som for rundt på eigenhand.
- Hunden blei tatt med til dyrlegen. Eigaren blei funnen takket være chipen hunden hadde i nakken, fortel politiførstebetjent Audun Hadler-Olsen.
Narkobeslag
Seinare på dagen gjennomførte politiet ei ransaking på ein bustad i Os.
- Der blei det tatt beslag i hasj og noko kvitt pulver vi trur er amfetamin, seier Hadler-Olsen.
To personar i 20-åra blei tatt med til avhør og vil bli anmeldt i saka.