Hjartevarme i vinterkulda

Bildeserie:

1 av 5

Det var ein isande vind over Osøyro søndag førmiddag, men det la inga demper på sentrumsforeninga sin aksjon «Hjertevarme og giverglede»

– Velkommen. Vi er så heldige at vi har fått med oss Aniston, som blant anna har songe i Oseana på Norske Talenter, helsa initiativtakar Tove Tvedt Skarstein før ho slapp den talentfulle ungguten til med «White Christmas».

– I dag har vi testa noko nytt på Osøyro. I det vi har hatt popup-diktlesing rundt i butikkane. Og her har de ho, Bente Brattlund, introduserte Tvedt Skarstein før Brattlund las sit eige dikt «Håp».

Gav 20.000 kroner

Ordførar Marie Bruarøy var invitert til å sleppa raude hjarteballonger i samband med arrangementet. Med seg hadde ho også ei gåve frå formannskapet til stiftinga Bring Children from Street.

– Tusen takk til alle som bidreg og som har teke initiativet til dette. Nettopp giverglede og hjartevarme er noko som er viktig i desse dager. Det er ei påminning om at det ikkje er alle som har det like bra som det vi har det her i bygda.

– Gjennom ei epostrunde i formannskapet har eg fått godkjenning til å gje ein liten donasjon til det flotte arbeidet Bring Children from Street gjer. Frå Os kommune vil det koma ei overføring på 20.000 kroner, helsa Bruarøy før ho slapp ballongane laus.