To hjortar påkøyrd

Politiet har fått melding om påkøyrd vilt både tysdag kveld og onsdag morgon.

– Ingen personar blei skadd, og bilane var køyrbare etterpå, men førarane har nok fått seg ein god støkk, seier politioverbetjent Anne Lyssand.

Den første blei påkøyrd klokka 20.24 på E39 Byvegen på Hetleflåten. Viltkontakt Espen K. Andersen blei varsla.

– Vi var i terrenget, men har konkludert med at hjort er uskadd, fortel Andersen.

Den andre blei påkøyrd klokka 06.18 på E39 Halhjemsvegen, nær busstoppet mellom Reset og Søre Neset barnehage. Hjorten sprang vidare retning nordvest.

– Denne har eg ikkje fått varsel om, men skal høyra om ein kollega av meg har fått melding, seier Andersen.

Bilførar har gjort alt rett, og merkt staden der hjorten stakk med ein pose, så ettersøk kan bli meir effektivt.