Hodneland i kyrkja

Musikk i kyrkja: Nestemann ut er Tore Hodneland.

Kjetil Vasby Bruarøyonsdag 14. apr. 2010 20:56

Sundag 18. april er neste runde i serien «Musikk i kyrkja», og då er det tid for moderne gitarjazz med Tore Hodneland.

Det unge gitartalentet Tore Hodneland (14) frå Tysnes dyrkar moderne amerikansk jazzgitar, særleg med inspirasjon frå gitarlegendene Pat Metheny, Mike Stern og John Scofield.

Frå hausten 2008 er han fast gitarist i Bergen Ungdomsstorband og han har og turnert med Bergen Filharmoniske Orkester. Tore har motteke fleire stipend for unge talent, m.a. BTs oppmuntringsstipend.

På konserten i Os kyrkje får vi møta han i samspel med to erfarne jazzmusikarar, Ole Amund Gjersvik på kontrabass og Nils Are Drønen på trommer, i eit program prega av medrivande swing og utsøkt improvisasjonskunst, skriv Os Sokneråd i ei pressemelding.