Høg arbeidsløyse i kommunar rundt Bergen

I månadsskiftet juli-august fortalte Nav Bjørnafjorden om ein sommar der folk har halde fram med å koma tilbake i jobb etter koronapandemien starta i mars.

I Bjørnafjorden kommune hadde mengda delvis ledige gått ned mest i Vestland fylke, frå 5,1 til 2,9 prosent, nesten nede på normalen - og låg på 2,9 prosent.

Mengda heilt ledige var då 658 (5,0 %). No har talet gått ned til 597 heilt ledige (4,5 %).

Dette er 267 fleire personar enn i fjor på same tid (Fusa og Os til saman før kommunesamanslåinga).

Store forskjellar mellom kommunane

Tal for Vestland fylke viser at det er flest ledige innan reiseliv og transport (1.949), industriarbeid (1.501) og butikk- og salsarbeid (1.501), medan det er færrast ledige innan jordbruk, skogbruk og fiske (149), akademiske yrke (198) og blant meklarar og konsulentar (413).

Berre fem kommunar har høgare ledighetsprosent enn Bjørnafjorden kommune. Samtidig har Bjørnafjorden lågaste mengde ledige av dei samanliknbare kommunane rundt Bergen - der arbeidsløysa er størst.

Samanlikna med i fjor finn vi størst auke i arbeidsløysa utanfor Bergen i Øygarden (+406 personer samanlikna med i fjor), Askøy (+356 personer), i Alver (+269 personer) og i Bjørnafjorden (+267).

I Bergen kommune er det no 7.590 ledige, ein auke på 3.684 sidan august 2019.

Det er høgast arbeidsløyse i kommunane Austrheim (5,2 %), Øygarden (5,0 %) og Bergen (4,9 %), medan Gloppen (1,3 %), Vik (1,4 %) og Gulen (1,7 %) har lågast arbeidsløyse i Vestland.

Vestland: Nær 2000 færre ledige sidan juli

Talet på heilt ledige i Vestland fylke er redusert med nær 2000 personar frå juli til august. Arbeidsløysa i fylket er no på 4,1 prosent.

– Dette er ei utviklinga som venta. Nedgangen i arbeidsløysa held fram, men ikkje i same tempo som før sommaren, seier direktør i NAV Vestland, Anne Kverneland Bogsnes.

Ho er spent på fortsettinga, og har ei klår oppfordring til dei verksemdene som no merkar at etterspørselen tar seg opp.

– Dei verksemdene som har permittert, men no har høve til å ta inn sine medarbeidarar, bør gjera det no. Vi må halde økonomien i gang, og hugsa på at det framleis er ein dugnad. Eg håpar flest mogeleg har høve til å ta dei tilsette tilbake, sjølv om permitteringsordninga no er utvida.

– Det er ikkje berre viktig for å halda økonomien i gang, det er også svært viktig for den enkelte arbeidstakar, seier Bogsnes.