Lokal | 26. nov. 2018

Hugsar du Håtta du?

Sjå bilde frå oppkøyringa: På fredag kan du ta ei kulturell tidsmaskin attende til Os på 70- og 80-talet.

Hugsar du Håtta du?
På fredag skal Fritio i Os minnast. Her frå ei øving i førre veke. (Foto: Patricia Langeland)
Kjetil Osablod Grønvigh
Kjetil Osablod Grønvighmandag 26. nov. 2018 08:46

Bildeserie:

Gamle tider i nytt hus. (Foto: Patricia Langeland)
Gamle tider i nytt hus. (Foto: Patricia Langeland)
Billettsalet går så det susar til fredagens Fritio-show. (Foto: Patricia Langeland)
Billettsalet går så det susar til fredagens Fritio-show. (Foto: Patricia Langeland)
Mange tidlegare «sirkushestar» gjer comeback på fredag. (Foto: Patricia Langeland)
Mange tidlegare «sirkushestar» gjer comeback på fredag. (Foto: Patricia Langeland)
I si tid varte Frito i ei god veke. (Foto: Patricia Langeland)
I si tid varte Frito i ei god veke. (Foto: Patricia Langeland)
1 av 4
Gamle tider i nytt hus. (Foto: Patricia Langeland)
Billettsalet går så det susar til fredagens Fritio-show. (Foto: Patricia Langeland)
Mange tidlegare «sirkushestar» gjer comeback på fredag. (Foto: Patricia Langeland)
I si tid varte Frito i ei god veke. (Foto: Patricia Langeland)

Eirik Lyssand frå arrangementskomiteen fortel at det som byrja som ein liten idé om å dra fram nokre gamle tekstar på ein medlemskveld, enda opp i å booka Oseana.

Lyssand har jobba saman med Bergljot Lyssand Bjørø og Ingebjørg Astrup med programmet.

– Så godt som alle av dei «gamle sirkushestane» har sagt ja til å vera med, og på fredag skal publikum får oppleva eit knippe innslag frå slutten av syttitalet og utover åttitalet. Her vert det innslag frå både revyar og musikalar, og det er spanande å sjå at mange av tekstane er like aktuelle den dag i dag, seier Lyssand.

Fritio i Os var mykje meir enn revy

Lyssand fortel at det i førre veke var knappe 80 billettar att til fredagens framsyning.

– Sjølv det for mange kan virka som ei svunnen tid, er det heilt klart at Fritio i Os, med revyar, utstilling, konsertar og barnetimar med meir, framleis betyr noko for mange.

– I si tid varte Fritio i om lag ei veke, og opninga vart markert med opptog og tenning av «kolo».

«Kolo» var Os sitt svar på den olympiske eld, og brann under heile Fritio. Først hang den på Drageset-bygget i sentrum, men for dei fleste er den nok mest kjend på terrassen til Fjellheim.

Budde meir eller i mindre i Fjellheim

På spørsmål om korleis det har vore å børsta støv av lokal kulturhistorie, gjev Lyssand eit todelt svar;

– På mange måtar er det ei heilt ny verd å vera i Oseana; teknologien og fasilitetane gjev flotte moglegheiter. Samstundes er Oseana er eit profesjonelt hus med mange aktørar, og det er mange omsyn ein må ta i høve til tidsbruk og øvingar.

– I hine hårde dagar venta vi ofte på at siste lag eller organsisajon var ferdige med si øving i Fjellheim, og så tok vi til på vårt rundt klokka 22.00. Ofte vart det lange netter i Fjellheim for å øva oss klare.

– Då var det nok slik at det var det fleire av oss som nær budde i Fjellheim for å koma i mål med alle øvingane.

Nye tider - men historia vert med

– Denne gongen har vi øvd litt her og der rundt i bygda. Vi hadde ei øving i Oseana førre veke, og med generalprøva no på onsdag i beina, er det rett i show på fredag. Noko uvant er det, men i kombinasjon med det Oseana kan by på, ligg det an til ei god mimrestund på fredag.

Lyssand fortel at i tillegg til innslaga som kjem fram frå historien, vert det innslag frå Os Mannskor, Os Kammerkor og Tilslørte Bondepiker.

– Og ser ein ekstra godt etter på fredag, vil ein oppdaga at vi har teke litt av Fjellheim med oss ned i Oseana, avsluttar Lyssand.

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.