Husbråk og promillekjøring
• Mann i 30-åra tatt med promille på Halhjem• Mann i arresten etter husbråk • Slåssing i sentrum
Fredag på dagtid, i 13-tida, blei ein bil som kjørte av ei av ferjene på Halhjem stoppa av politiet.
– Det var to personar i bilen. Førar var mistenkt for promille og blei tatt med for blodprøvetaking, fortel politibetjent Kjartan Snorrason.
Bilføraren er ikkje frå Os.
Husbråk og slåssing
Klokka 00.30 var politiet i Lysefjorden etter klage på høg musikk.
Natt til laurdag fekk politiet også melding om husbråk i ein leilegheit i Os sentrum.
Ein mann som var rusa og utagerande blei kjørt til Bergen for overnatting i arresten.
I 4-tida fekk politiet melding om slåssing på drosjehaldeplassen, men patruljen hadde ikkje kome opp igjen frå Bergen.
Bot grunna manglane baklys
Politiet hadde fleire trafikkontrollar i går.
på Strønevegen i Askvik stoppa dei 22 bilar og sjekka dokument. Der var alt i orden.
På Lepsøyvegen i 23.30-tida var fartskontroll. Éin førar fekk forelegg.
Vedkomande kjørte i 75 km/t i 50-sona, altså 1 ifrå å bli fotgjengar og fort nok til å få forelegg på 6500 kroner.
I 1-tida blei ein bil på Søfteland stoppa. Førar fekk forelegg grunna manglande lys bak på bilen.