Hyllar gullguttene!

John Lepsøy, mangeåring ismålar og tidlegare skøyteløpar såg det fantastiske gulløpet til lagtempolaget heime i stova i Hamnevegen.

– Å herregud. Dei er jo heilt uovervinnelege. Fy f... for ein draumedag, stråler Lepsøy.

Hadde ikkje trua

I dag formiddag hadde ikkje den gamle skøyteløparen trua på at det skulle gå.

– Eg hadde ikkje det før finalen, men då eg såg korleis Nederland banka New Zealand i bronsefinalen og visste at New Zealand hadde gått jamt med Korea, så snudde det. Då skjønte eg at dei hadde sjansen til å gå heile vegen.

– Sverre må jo vera i kjempeform. Snakk om å ha treft med den. Eg har kost ræva av meg. Vi skulle hatt klappskøyter i gamle dager så skulle eg utfordar han, ler Lepsøy for han må legga på for å gå ut for å trekka luft.

– Det treng eg no, for dette var noko av det råaste eg har sett.

Stolt ordførar

– Hellane, eg er så stolt av gullgutta. Dei gjer ein fantastisk innsats og kjem framfor både Korea og ikkje minst Nederland som har vore skøytenasjon nummer ein dei siste åra.

– No har Noreg tatt den posisjonen igjen. Dei er rett og slett ein rå gjeng. Hadde det ikkje vore for at flagga allereie var oppe så hadde dei gått til topps no, seier Bruarøy som satt i styringsgruppemøte for Lyseparken då løpet gjekk og ikkje fekk sett det på direkten.

– Eg fekk ei melding frå statsråden om at no måtte vi heisa flagga. Eg kunne trygt svara at det var allereie på plass.

Lovar feiring

Ordføraren lover at det blir ei feiring og markering når Sverre Lunde Pedersen og Sindre Henriksen kjem heim frå Korea.

– Sjølvsagt skal vi legga tilrette for ei feiring. Eg skal ta ein prat med kultursjefen, så får vi sjå når det blir. Eg reknar med at Bergen også vil feira dei, men denne gangen blir det ikkje ei konkurranse. Dei skal få all den heider dei fortener, stråler Bruarøy.

Veldig veldig bra

Samstundes med at Midtsiden snakkar med ordføraren blir gullguttane intevjua av Eurosport.

– Det var ein veldig bra dag, selvfølgelig. Eg følte meg faktisk piggare i det andre løpet. Det er vel dei to beste lagtempoane vi har gått.

– Det er ein syk følelse å gjera dette saman som lag. Det er så gøy. Vi jobbar knallhardt saman, fortel Sverre Lunde Pedersen.

Også Sindre Henriksen var sjølvsagt nøgd, sjølv om ha i dag ikkje fekk bidra ute på banen, men såg løpet som reserve frå indre bane.

– Det har vore ein topp dag, sjølv eg berre har sitte og kost meg. Eg er nøgd med at la egoet til sides på søndag og sa at Håvard kunne gå i dag då eg ikkje lykkast sjølv. Det er dette vi trener for kvar einaste dag. Det er heilt sjukt, gliste Henriksen.