midtsiden

I autovernet

I slutten av juli var det to frontkollisjonar i same sving. I dag kom det heldigvis ingen imot, men politiet åtvarar mot glatte vegar.

Av: Kjetil Vasby Bruarøy

Måndag klokka 17.06 fekk politiet melding om bil i autovernet. Ulykka skjedde i den krappe høgresvingen rett før Storestraumen, om du kjører i retning Os.

- Kvinna som kjørte var åleine i bilen, og ho kom uskadd frå samanstøyten, fortel operatør Frode Kolltveit ved Hordaland politidistrikt.

Ho kjørte i retning Os då bilen mista grepet, kryssa motsett kjørefelt og hamna i autovernet.

- Sjåføren meldte sjølv frå til oss, plasserte ut varselstrekant og ringte NAF for å få tauing.

Ulykkessving
I den same svingen skjedde liknande ulykke både 27. juli og 29. juli, men begge desse gongane enda det med frontkollisjon (sjå relaterte saker under denne artikkelen).

Heldigvis var det ingen som blei alvorleg skadd den gong heller.

- I tillegg til at den våte asfalten kan vera glatt, kan det i krappe svingar ligga dieselsøl. Vi har fått inn fleire meldingar om glatte vegar i Bergen, og det er nok fleire plassar i Os at bilistane bør vera ekstra varsame også, seier Kolltveit.

Fleire saker