I dag blir den vedtatt

Tysdag 18. november 2014 blir ein historisk dag i samferdselsamanheng for Osbygda når stortinget etter all sannsynlegheit vedtek utbygginga av E39 mellom Svegatjørn og Rådal.

– Det gjer at vi kan lyse ut dei to hovedoppdraga 15. januar, med leveringsfrist 21. april 2015.

– Då kan kontrakt truleg skrivast i juli/august, med byggjestart i oktober/november 2015, fortel kommunikasjonsrådgjevar Geir Brekke i Statens vegvesen.

Ny prosjektleiing

I tillegg til å gjera siste finpuss på anbodsgrunnlaget har Statens vegvesen reorganisert prosjektet.

– Det blir felles prosjektleiing for tre prosjekt i Bergensområdet, Svegatjørn-Rådal, Ringveg Vest og Sotrasambandet.

– Sverre Ottesen, som frå før er prosjektleiar på Ringveg Vest, tek over som prosjektleiar, medan Arne Eltvik held fram som assisterande prosjektleiar, seier Brekke.

Bakgrunnen for det er både for å gi meir langsiktig jobbavklaring, samt ei meir praktisk løysning til organisering der ein kan få ha same prosjektleiar fram til fullføring.