Kultur | 14. juni 2022

I dag må du passa deg for denne igjen

Bråstart på Barnas Dager.

Kjetil Vasby Bruarøy
Kjetil Vasby Bruarøytirsdag 14. juni 2022 06:58

I går starta Barnas Dager på AMFI Os, i dag er første innslag på underhaldningsprogrammet.

– Dinosaurane kjem tilbake, det gler vi oss til! Denne gong vil dei stå innandørs, men det er grenser for kor dei kan gå, for dei er så store, seier senterleiar Siri-Ann Myhren Dalseide.

Første gong dei store reptila besøkte AMFI Os var til julegrantenning i 2020, då med all underhaldning utandørs, sidan vi var inne i vårt første pandemiår.

Denne gong er timininga for dinosaurbesøk kanskje like god, fire dagar etter premiere på Jurassic World: Dominion.

Sånn såg det ut då dinosaurane prega jula i 2020:

– Det er kjekt å kunna by på fullt program på Barnas Dager igjen. Dette har vore ei kjekk og god veke på senteret i mange år, no kan vi by på underhaldning frå i dag til laurdag, seier senterleiar.

– Eg synest også vi har ein fin miks av lokale bidragsytarar og tilreisande innslag.

Dinosaurane er på senteret frå klokka 17 til 19 i dag.

Onsdag ettermiddag er det fotballturnering, 2 mot 2, i regi av Os Fotball.

Torsdag er det danseshow med ungar og ungdom frå Søre Neset ungdomslag, fredag kjem Lego Masters til Os igjen og laurdag er det både skattejakt og nytt danseshow på senteret.

Fire finalistar til eldsjelpris

Laurdag skal også Amfelia- og Oskarprisen delast ut.

Den skal gå til lokale lag eller enkeltpersonar som utmerker seg i sin innsats for unge.

–I år har vi auka prisen frå 5000 til 10.000 kroner.

Blant dei nominerte er det valt ut fire finalistar. Du kan stemma på favoritten din fram til og med torsdag.

Dei fire finalistene er:
Finalist 1: Os Basketballklubb
Finalist 2: 7-fjell Crossfit Kidz - Tim Herland og Kristine Aakre
Finalist 3: Jadakameratene
Finalist 4: Patricia Langeland

Spennande? Vil du ha ukas høgdepunkt i innboksen?

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Fra 36 kr/uke
Se priser

Abonnementet blir fornya kvar måned. Du kan seia opp kor tid du vil, og blir då ikkje belasta for neste periode.