Brann og redning | 19. mai 2022
I dag vil det koma røyk frå Kysthospitalet
Brannvesen, politi og ambulanse skal øva saman med tilsette på Kysthospitalet.
Kjetil Vasby Bruarøytorsdag 19. mai 2022 07:49
Brannvesenet varslar om komande storutrykking til Kysthospitalet i Hagavik.
– Vi skal øva på brann og evakuering. Øvinga skjer saman med politiet, ambulansepersonell og tilsette ved sjukehuset, seier varabrannsjef Erik Walden.
Øvinga blir frå klokka 12 til 15.
Det blir også brukt både markørar og «teater-røyk».
– Vi skal også bruka noko røyk, og ønskjer å informera publikum på førehand, så vi unngår at folk melder om brann frå avstand.
