I flokk i snøfokket
SJÅ VIDEO: Tett snødrev gav godt føre og såg ikkje ut til å hindra mange i å delta på skimesse i Voss Fjellandsby.
Bildeserie:
I helga gjekk årets MX Sport Skimesse av stabelen i Voss Fjellandsby. I 2008 var det djup puddersnø og sol, i 2009 regna det om sundagen og i fjor var det kaldt, likevel har messa kvart år vore folksam.
- I år hadde vi mykje laussnø, men det snødde mykje og bles ein del, særleg sundagen. Likevel er nok dette den beste messa vi har hatt, både i oppmøte og organisering, seier Jill Garden frå Voss Fjellandsby Skiskule.
879 hadde meldt seg på gratis skiskule, rekordmange møtte opp. I tillegg blei det tatt inn nokre som kom utan å vera førehandspåmeldt.
- Nytt i år var eige kurs i frikjøring for ungar. Både frikjøring og snowboard var populært, men det som auka mest var kurs i carving for vaksne nybyrjarar.
Voss Fjellandsby tok imot messedeltakarane med nytt barneområde, som opna i desember 2010. MX Sport og leverandørane stilte opp med telt for lån av demoski, for test før eventuelt kjøp, og messetelt med sal av ski, klede og utstyr.
- Eg har sikkert selt 20 sett med ski, mange av dei har vore reine pudderplankar, sa butikksjef på MX Sport Os midt på dagen laurdag.
VIDEO: Sjå klipp frå fleire av kursa,livet på messeområdet og gjengen frå Elixia som visste akkurat korleis dei skulle halda varmen. (Foto: Kjetil Vasby Bruarøy)
Spennande? Vil du ha ukas høgdepunkt i innboksen?
Les meir om
Last ned Midtsiden-appen idag
No kan du følgja nyhende frå Os - rett i appen.
- Gratis å lasta ned
- Bli varsla straks noko skjer
- Tilgjengeleg i App Store og Google Play Store
For å få tilgang til alle sakene i appen må du vera abonnent.