I fylla utan lappen

Sundag klokka 16.30 fekk politiet melding om mistanke om kjøring i rusa tilstand. Bilen skal då ha stått nær Mobergsvikjo.

- Vi sjekka ut registreringsnummeret og oppdaga då at bilen skulle vore avskilta, fortel operasjonsleiar i Hordaland politidistrikt, Svein Lyssand.

Ein patrulje frå Fana blei sendt til Os, og denne møtte ein gjeng ungdomar som kom kjørande i den same bilen.

- Føraren er mistenkt for å ha kjørt i påverka tilstand. Vedkomande hadde dessutan ikkje førarkort, seier Lyssand.