I grøfta på glatten

Etter ein søndag med sol og kulde, var det isete i vegbanen i Os måndag morgon.

I ettermiddag kom snøen, og med éin minusgrad har det blitt glatt fleire stadar.

Ein lastebil hamna utfor Hegglandsdalsvegen i ettermiddag - mellom Hjelle og Lienfabrikken.

Ingen såg ut til å vera skadd, og varselstrekant var plassert ut.

Bergingsbil kom til staden i 15.30-tida.

Fleire har trøbbel på Fanafjellet

Samtidig, i 15.30-tida, melder fleire trafikantar om bilar som har problem opp Fana-sida av Fanafjellet.

– Tillaup til kaos! skriv ein av dei på Facebook-sida «Trafikkmeldinger Fanafjell».

– Hugs at det er greit å vika for bilar på veg opp, er vedkomande sitt råd.