I grøfta på Ulven
Ein BMW hamna i fjellveggen og så i grøfta. Føraren er skadd.


Rundt klokka 22.20 hamna ein bil i grøfta på Ulvensletta. Både ambulanse, politi og brannvesen rykte ut til staden.
– Førren var åleine i bilen. Han er bevisst, men skadd, opplyser politibetjent Caroline Brudvik.
Det er uvisst kva type skade mannen har, men skal ifølgje politiet blant anna ha fått eit kutt i panna.
Bilen, ein BMW, har vore borti fjellveggen ved Roll Royce før den hamna i grøfta på motsett side av vegen.
Ulvensletta var stengt for trafikk medan redningsarbeidet heldt på, og var framleis stengt då Midtsiden kjørte frå staden, rundt klokka 22.50.
Oppdatert:
– Mannen blei frakta til sjukehus i ambulanse. Det er tatt beslag i førarkortet hans, seier operasjonsleiar i Hordaland politidistrikt, Asbjørn Andersen.