I kriseøving

ØVING: Det skal ha skjedd noko alvorleg ved Hartlepool kjernekraftverk.

Kjetil Vasby Bruarøytirsdag 22. sep. 2009 08:40

Øving Hordaland 2009

Klokka 7.15 i dag mottok Os kommune ei pressemelding frå Statens Strålevern. Av pressemeldinga går det fram:

"Statens strålevern ble i dag tidlig gjort oppmerksom på at det skal ha skjedd en alvorlig hendelse ved Hartlepool kjernekraftverk, på nordøstkysten av Storbritannia. Strålevernet har tatt initiativ for å innhente informasjon fra britiske myndigheter, våre nordiske samarbeidspartnere samt det internasjonale atomenergibyrået (IAEA). Kriseutvalget for atomberedskap (KU) er varslet om situasjonen. Statens strålevern følger situasjonen nøye fremover, og kommer tilbake med ny informasjon når dette foreligger."

Kriseleiinga i kommunen var samla i rådhuset frå klokka 8.30. enne består av ordførar, rådmann, kommuneoverlege, lensmann, varabrannsjef og leiar for krisestaben, kommunaldirektør Karl Ole Midtbø. Desse går no gjennom eksisterande planverk medan dei ventar på ny informasjon frå Fylkesmannen.

- Dette er kriseleiinga, skal vi gjera noko aktivt har vi krisestab med fleire grupper for ulike ansvarsoppgåver, fortel ordførar Terje Søviknes.

- Førebels har vi gått gjennom vår lokale atomberedskapsplan. Situasjonen er styrt på nasjonalt nivå, med Fylkesmannen som regional aktør. Vi førebur oss på å reagera raskt på meldingar frå fylket.

- Om situasjonen var reell - kva tiltak kunne det blitt snakk om?

Ordføraren ramsar opp:
• Sørgja for at alle held seg innandørs
• Samla husdyr under tak
• Etablera dusj med rens for dei som eventuelt har blitt eksponert for radioaktivt nedfall
• Stenga ned ventilasjonsanlegg
• Dela ut jod-tablettar for å begrensa opptak av radioaktivt avfall

- Øvinga held fram ut dagen, og det er ei veldig nyttig øving, synes Søviknes.

Målgruppa for øvinga er alle kommunane i Hordaland, Hordaland fylkeskommune og Fylkesmannen i Hordaland medrekna atomberedskapsutvalet Hordaland.

Hovudfokus i Øving Hordaland 2009:
• Oppdatering/revisjon av kommunen sin overordna krise-/beredskapsplan og då spesielt kriseinformasjonsplanen.
• Oppdatering og øving av planen for den kommunale atomberedskapen. Ref. revidert plangrunnlag frå Statens Strålevern
(oktober 2008).
• Etablering og drift av den kommunale kriseleiinga (KKL) og øving i kriseinformasjonsarbeid og krisekommunikasjon.
• Kompetanseheving og utvikling innan området krisekommunikasjon og krisehandtering.

Les meir om øvinga på Fylkesmannen sine sider.