I kveld blir vegen stengt

Bildeserie:

1 av 3

Legging av nytt V/A-anlegg langs Byvegen held fram. Første halvår i 2017 blei det lagt rør frå Meny til rundkøyringa ved Prestegardsskogen og Amfisenteret, no skal røra vidare i retnings Os sentrum skiftast.

Den siste tida har det vore mykje arbeid ved den tidlegare Rema 1000-butikken.

Onsdag kveld klokka 21.00 blir vegen stengt.

Årsaka er legging av ny leidning under vegen, eit arbeid Vassbakk & Stol gjennomfører for Os kommune.

– Gang- og sykkelvegen blir framleis open. Vegen skal vera open igjen klokka 07.00 torsdag morgon, seier prosjektleiar Siril Langhelle frå teknisk eining i Os kommune.

Naboar blir i løpet av dagen varsla om komande nattarbeid på staden.

• Les òg: Naboar skeptiske til idé om pendlarparkering i Myrvollen

Smal veg

I samband med arbeidet har nedste del av Idrettsvegen den siste tida vore smalare.

– Sjåførane våre har sett på dette som ei utfordring. Vi kan ha over 100 utkøyringar på éin dag, og når våre bilar møter trafikk i dette krysset blir også fortauet brukt av bilar som kjem imot, seier Kristian Borgen frå Brødrene Borgen Ferdigbetong.

– Men eg kontakta kommunen og dei fekk tatt nokre justeringar som har gjort forholda betre.

– Kjem vegen i full breidde når den opnar igjen torsdag morgon?

– Den kjem nok ikkje i full breidde med éin gong, det vil gå nokre dagar til, seier Langehelle.

– Vi er klar over at dagens løysing ikkje er optimal, men vi ser det som betre å ha vegen smal enn at den er stengt med mykje nattarbeid.