Christoffer sin trio syng Ariana Grande-låta «Into You». (Foto: Espen Solli, TV2)

I kveld skal dei synga trio

Idol: Både Martine, Christoffer og Ada gjekk vidare onsdag. I kveld syng dei i kvar sin trio.

image
image
Av: Kjetil Vasby Bruarøy

Onsdag viste TV2 frå første dag på bootcamp, der 120 deltakarar skulle bli til 60.

Alle dei tre frå Os, Martine Frotveit Johnsen (17), Christoffer Leikvoll Storvik (22) og Ada Keita Hansson (25), gjekk vidare.

Ikkje alle deltakarane blei viste i sendinga, men Martine si framføring av «Who Is Fancy» ligg på TV2.no.

I kveld viser TV2 frå andre dag på den tøffe bootcampen. Her blir deltakarane delte inn i trio, der både song og samarbeid blir vektlagt av juryen.

Martine Frotveit Johnsen syng Kings Of Leon-låta «Sex On Fire» saman med Rebekka Tonheim Nordvik (17) frå Fjell på Sotra og Viljar Røysi (18) frå Geithus i Modum.

Christoffer Leikvoll Storvik syng Ariana Grande-låta «Into You» saman med Emma Noor Løvslett (15) frå Bryne og Gunn Marit Kvåle (17) frå Sogndal.

Ada Keita Hansson syng Astrid S-låta «Think Before I Talk» med Lise Gartland (15) frå Namsos og Matilde Akerø (18) frå Stavanger.

Dei som går vidare i kveld går til dag 3 av bootcampen. Då blir deltakarane overraska med eit stort publikum, og juryen vil sjå etter scenepersonlegheit og artisteri. Sendinga frå dag 3 er førstkomande onsdag.

Fleire saker