I nytt lokale etter 39 år

Bildeserie:

1 av 3

Apoteket, som for dei fleste «alltid» har vore i Brugata, har no flytta på seg.

– Dei tre første åra, frå 1979 til 1982, var vi ein del av filialen på Nesttun, fortel Margunn Nerhus ved Apotek1 Os.

– I 1982 vart vi eigen filial, og om eg ikkje hugsar feil, har vi vore gjennom tre ombyggingar i dei åra vi har vore i Brugata.

– No har vi fått oss nye lokale med særs god plassering. Ikkje minst er det mykje meir dagslys i desse lokala, seier Nerhus.

Flytta heile apoteket på éi veke

Nerhus fortel at sjølve flyttinga har tatt ei veke, og at det har vore ope i dei gamle lokala heilt fram til stengetid laurdag.

– Vi har jobba parallelt med å førebu dei nye lokala, halda ope og flytta samstundes. Det har vorte nokre lange dagar, men sjølv med så mykje å halda styr på, har vi kome greitt i mål.

Torsdag vert det offisiell opning av den nye butikken.