– Ikkje gje dei mat

Den siste veka har Midtsiden fått fleire meldingar om muskusender på spasertur i Os sentrum, både på dag- og kveldstid.

Dyreven og svanebok-forfattar Sølvi Bugge fryktar at endene skal bli påkjørt.

– Dei har vore på vandring på Osøyro fleire gongar. Det har heldigvis gått bra til no, men eg håper folk kan hjelpa til med å få fuglane på elva igjen, seier Sølvi.

Sjølv fekk ho geleida endene bak banken og ut på Oselvo.

– Det er viktig å ikkje gje dei mat når dei er på land, då kjem dei nok endå oftare opp i gatene igjen, åtvarar ho.