Lokal | 13. nov. 2013

– Ikkje godt nok i dag

For to år sidan blei heimesida til Os kommune kåra blant dei beste i landet. – Det som var bra for 2 år sidan er ikkje godt nok i dag, seier assisterande rådmann Paul Manger.

– Ikkje godt nok i dag
Assisterande rådmann, Paul Manger, orienterte om utfordringane i den kommunale staben i året som kjem (Foto: Andris Hamre)
Andris Hamreonsdag 13. nov. 2013 09:03

På forbrukerrådet si undersøking om kommunalt sørvisnivå hamna Os kommune heilt nede på 351. plass av dei 426 kommunane. No vil assisterande rådmann, Paul Manger, ta tak.

– Vi må sjå på, og ta fatt i, dei tinga forbrukerrådet fann.

– Det viktigaste er at innbyggarane får dei svara dei er ute etter, og at dei får gode svar, fortalde Manger, då han orienterte politikarane om utfordringane for 2014.

2 år lang tid

Manger har allereie satt ned ei gruppe som skal sjå på heimesida til kommunen.

– Vi må sjå på korleis heimesida framstår. Er den forståeleg? Når den fram til dei den skal?, undra Manger før han sjølv konkluderte med at heimesidene til kommunen ikkje er særleg målgruppeorientert.

Marie Lunde Bruarøy (H) gav den assisterande rådmannen støtte i dette arbeidet.

– Vi fekk max skår då sidene var nye, fordi dei var lette å finna fram i.

– No opplever eg dei som litt knotete og enkelte stader med utdatert informasjon. Det held ikkje, vi må ha høgre målsetningar enn som så.

– Det er eg samd i. Det som var godt nok for 2 år sidan er ikkje godt nok i dag. Mellomanna er ikkje kontaktpunkta synlege nok.

– Vi må ta på oss innbyggarane sine briller og sjå på sidene på nytt, svara Manger.

Får for god sørvise

Kommunetorget har ifølgje Manger eit svært høgt sørvisnivå til dei som oppsøkjer rådhuset fysisk.

– Dei får kanskje for høg sørvis.

– Det er vel ein dum veg å gå å trekkje ned sørvisen til dei som kjem fysisk på vitjing, kommenterte Espen Aspenes (Frp).

– Vi skal ikkje gje dei dårlegare sørvis, men i nokre tilfeller nyttar vi nok for mykje tid med dei.

– Eit døme er når dei kjem for å melda frå om sløkte veglys. Der har BKK ei teneste på nett som fungerar svært godt som vi må slusa dei inn på.

– Vi må vidareutvikla sørvisen til dei som tek kontakt med oss virtuelt og på telefon, svara Manger.

– Ver framoverlent

Den assisterande rådmannen fekk med seg ei oppmoding frå formannskapet si budsjettkonferanse.

– Ver framoverlent og sitt klar framst på stolen i kommunikasjonen med innbyggarane.

– Det er sjølvsagt at nettsida vår er ein kanal, men det er nok grunn til å tenkje gjennom kva andre informasjonskanalar vi skal nytta. Nokre tenkjer nok alternativt, men det er ikkje satt i system, kommenterte ordførar Terje Søviknes (Frp).

– Vi har kompetansen, men må utnytta den betre, oppsummerte Manger avslutningsvis.

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.