Lokal | 30. des. 2013

– Ikkje kjøp til barna

– Det er tross alt sprengstoff vi snakkar om, åtvarar brannsjef Stein Gjøsund. Les brannsjefen sine tips for ein trygg nyttårsaftan.

– Ikkje kjøp til barna
Brannsjef Stein Gjøsund med fyrverkeri han fryktar ungar vil leika med på nyttårsaften. Det er forresten ikkje lov å selgje fyrverkeri som ser ut som leker (foto: Andris Hamre)
Andris Hamremåndag 30. des. 2013 08:45

I morgon, nyttårsaftan sender vi fargesprakande og høgthylande fyrverkeri for mangfaldige millionar opp mot himmelen for å feira det nye året.

– Det skal vera ein kjekk kveld, og det skal vera kjekt med fyrverkeri.

– Sjølv er eg mest uroa over barn si omgang med fyrverkeri.

– Vi veit at foreldre kjøper fyrverkeri til barn heilt nede i 8-10 årsalderen, då gjerne av typen hylere, spinnere og andre ting som ligg på bakken.

– Barn har ikkje føresetnader for å handtere dette på ein trygg og god måte og konsekvensane kan bli alvorlege om dei er uheldige.

– Det kan gå utover både fingrar og auger, åtvarar brannsjef Stein Gjøsund.

Ta førehandsregler

Gjøsund er ikkje berre oppteken av barn si omgang med fyrverkeri, men òg at dei vaksne gjer ei risikovurdering før dei sender opp rakettane.

– Kva kan skje her? Står fyrverkeriet støtt nok? Er avstanden til huset og andre brennbare ting stor nok?, spør brannsjefen retorisk.

Desse tinga ønskjer han at folk tenkjer på før dei set fyr på lunta.

– Vi skal ha det kjekt på nyttårsaften, men det er ein balansegang. Ikkje ta unødige risker, ber Gjøsund.

Om uhellet er ute

Dei vanlegste skadane av fyrverkeri er brannskadar eller skader på augane.

– Når det gjeld brannskader så gjeld det å få det skada legemet raskest mogleg under vatn.

– Start med kaldt vant, det lindrar. Auk temperaturen etter litt, men framleis slik at det har ein kjølande effekt før du vurderar om du treng legehjelp.

– Du bør halde skaden under vatn opp mot ein halvtime, forklarar Brannsjefen, før han legg til at ved augeskader gjeld det å komma seg til lege så raskt som mogleg.

I Os er det gitt generell dispensasjon for fyrverkeri i tidsrommet 1800-0200 nyttårsaften.

Brannsjefen sine fyrverkerireglar

1. Forbered fyrverkerioppskytingen – bruk vernebriller.
2. Les bruksanvisningen nøye før bruk.
3. Kontroller at fyrverkeriet ikke er skadet.
4. Sørg for at fyrverkeriet ikke kan velte.
5. Bruk tennstav, sigarettglo eller lignende.
6. Sitt på huk, tenn lunten med strak arm og fjern deg straks lengst mulig unna.
7. Bøy deg aldri over antent fyrverkeri.
8. Ikke tenn fyrverkeri på nytt dersom det ikke tenner ved første forsøk.
9. Hold god avstand fra oppskytingen.
10. Alkohol og fyrverkeri hører ikke sammen.

Spennande? Vil du ha ukas høgdepunkt i innboksen?

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.