– Ikkje ulv denne gongen

I førre veke og i går blei folk åtvara mot merking av postkassar og at dette kunne vera rekognisering i forkant av innbrot.

– Det viste seg, i alle fall i dette tilfellet, at det var eit avisbod som hadde merka postkassane, seier lensmann Rasmus Dalen.

Han seier denne form for merking, med klistremerke utan logo, ikkje er etter boka, men at det var i beste hensikt, å få levera avisene meir effektivt.

– Det var ikkje ulv denne gong. Men det var kanskje positivt med ei åtvaring likevel, så folk blir obs på dette med å sikra huset sitt før dei reiser på ferie, seier Dalen.