Lokal | 08. jan. 2021

Ingen nye smittetilfelle torsdag

God trend i Bjørnafjorden kommune.

Ingen nye smittetilfelle torsdag
Koronaviruset. (Foto: FHI)
Kjetil Vasby Bruarøy
Kjetil Vasby Bruarøyfredag 08. jan. 2021 11:49

Etter det rekordhøge talet på 8 nye smitta måndag, gjekk det ned til 3 tysdag og null onsdag. Det eine smittetilfellet som blei meldt onsdag, viste seg på etterkontroll å likevel ikkje vera sjuk.

Torsdag var det ingen nye smittetilfelle, har Midtsiden no fått stadfesta.

9 av 13 i samband med innreise

Det betyr at vi har hatt 13 smittetilfelle dei første 7 dagane i 2021.

I den verste perioden i fjor, i midten av november, hadde vi 26 nye tilfelle på 5 dagar.

Av årets 13 første smitta er minst 9 avdekka i samband med innreise, eller som nærkontaktar av dei 5 som testa positivt for covid-19 etter utanlandsreise i jula.

– Vi kjenner smittevegen til dei som no har testa positivt og er i isolasjon, så det er ingen ukontrollert smitte internt i kommunen, sa kommuneoverlege Klaus Melf på pressekonferanse etter dei åtte smittetilfella tidlegare i veka.

Dette ser, med dei låge smittetala seinare i veka, ut til å stå ved lag.

Samtidig har R-talet auka til 1,0 i Bergen, ifølgje BT.

Vaksinasjonen er i gang

Onsdag starta vaksinasjonen i Bjørnafjorden kommune. Knut Egil Fredriksen (84) fekk første stikk.

I alt kom det 80 dosar denne veka, i neste veke kjem 70 nye.

Leveransane dei tre første vekene går til dei rundt 220 som bur på dei to sjukeheimane i kommunen, Luranetunet og Fusa bu- og behandlingssenter.

Datoane for dei smitta i Bjørnafjorden til no

Til no i 2021: 13
Totalt smitta: 116
7. januar: Ingen nye smitetilfelle.
(6. januar: Kvinne i 60-åratesta positivt, men kontrollprøve viste at ho ikkje er sjuk)
5. januar: Kvinne i 30-åra. Testa i samband med innreise til Noreg.
5. januar: Mann i 30-åra. Testa i samband med innreise til Noreg.
5. januar: Mann i 50-åra. Testa i samband med innreise til Noreg.
4. januar: Åtte nye smitta, frå 5 år til i 60-åra. Høgaste tal på éin dag til no.
3. januar: Kvinne i 30-åra og hennar 1 år gamle born. Smitta av nærkontakt.

2020 haust (10. august til 31. desember): 89 smittetilfelle
2020 vår (11. mars til 14. april): 15 smittetilfelle
Totalt i 2020: 104.
Sjå liste over alle

Spennande? Vil du ha ukas høgdepunkt i innboksen?

Les meir om

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.