Innbrot i hus på Moberg
Fredag fekk politiet melding om innbrot og tjuveri av øl, måndag kveld kom melding om innbrot og grovt tjuveri frå bustad.


I går fekk politiet melding om innbrot i ein bustad i Mobergshaugane.
– Nokon har tatt seg inn gjennom eit vindauge og stole fleire ting frå bustaden, seier politioverbetjent Terje Sperrevik.
Huseigar skal ha vore vekke ei stund og oppdaga innbrotet måndag kveld.
– Vi er interessert i tips og minner samtidig folk på å sikra bustaden sin og å følgja med i eige nabolag når det no nærmar seg ferietid, seier Sperrevik.
Det har vore ei rekke innbrot i bustadar i Os i år.
Grovt tjuveri av øl
Fredag 17. mai, i 5-tida om morgonen, fekk politiet melding om innbrot ved ein serveringsstad i Os sentrum.
Innbrotstjuven har fått med seg mykje øl.