Innbrot på Kysten
Tjuvar braut seg inn og stal pengar. Politiet ber om tips.

Måndag kveld klokka 21.15 kom melding om at uvedkommande hadde teke seg inn på Kysthospitalet i Hagavik.
- Dei har tatt seg inn via ein nødutgang og inn til eit kontor.
- Der har dei stole omlag 3000 kroner i kaffipengar og ein konvolutt med 6-700 kroner frå eit skap, fortel politibetjent Ingunn Instebø ved Os lensmannskontor.
Politiet har vore på åstaden og foretatt ei gransking av staden.
- Førebels har vi ingen gripne eller mistenkte, så om det er nokon som har sett noko anten ved Kysthospitalet eller i området som dei trur kan vera av interesse for politiet ber vi om at de kontaktar oss.
Os lensmannskontor når du på 56 30 39 00 eller 480 02 480.
Det blei ikkje teken medisinar i innbrotet.