Jaktar lokal gjestegitarist

Frode Alnæs (56) er ein av dei beste gitaristane i Noreg. Når han kjem til Os 6. april med si nye gitarforestilling - Min dans med strenger - ønskjer han å invitere ein lokal gjestegitarist opp på scenen.

– Når vi no skal reise landet rundt med «Min dans med strenger», så ønskjer eg å treffa lokale gitaristar. På kvar stad vi speler inviterer vi difor med oss ein lokal gjestegitarist, ung eller gamal, opp på scenen for å spele ei låt med oss. Det skal bli utruleg artig, seier Alnæs.

– Gleder meg!

Ideen er at den lokale gitaristen skal vera med Alnæs og resten av bandet og spele ein av gitarklassikarane frå musikkhistoria.

– Dei som føler seg kalla eller kjenner nokon som kanskje ikkje tør melde seg på sjølv, kan kontakta produsent Kristin Dæhlie hos Frog Music AS.

– Eg gler stort til å spele på Os igjen. Eg har vore på Os mange gangar, sist på Osfest. Eg hugser at namnet mitt sot som ein slags headliner på festivalen saman med mange internasjonale band. Dei namna som sto i litt mindre skrift enn meg var Markus og Martinus, men dei trakk faktisk mykje meir folk enn meg gitt, seier Alnæs i ei pressemelding.

Gitaren i sentrum

Alnæs si nye forestilling er ein konsertforestilling med både humor og alvor med gitaren i sentrum. Publikum vil få servert nye låtar, dei mest kjende gitarlåtane i musikkhistoria og ikkje minst hits frå både solokarriere og frå tida med Dance With a Stranger.

«Min dans med strenger» handlar om gitaren som ven, trøst, gledespredar, reisefølgje og kunstnerisk uttrykk. Den handlar om eit livslangt vennskap med instrumentet som trøst då håret falt av som 11-åring, om det å vera annerleis, til det å slå igjennom som musikar og å bli ein berømt gitarist, artist og komponist.

– Eg skjulte meg jo med parykk i 16 år. Det er klart det har prega livet mitt å ikkje stå fram som den eg var.

– I tillegg til all humoren og latteren i forestillinga ønskjer eg å fortelje ei historie om det å vera annerleis, men å snu det til ein styrke.

Får spela med eit stjernelag

Den lokale gitaristen får prøve seg med litt av eit stjernelag. I tillegg til Frode Alnæs sjølv består bandet av Morten Huuse (kapellmester/tangenter) som har spelt med Dance With a Stranger i 25 år. Mambo Companeros er òg ein kjend arrangør og kapellmester. Knerten Kamfjord på bass er kjend både som ein del av Odd Børretzen/Lars kristian Myhre sitt band og som del av Øystein Sunde sitt band. Thomas Gallatin på trommer speler med ei rekkje artister som Morten Abel, Daniel Kvammen, garness, Siri Nilsen og Tôg. Kjetil Sandnes og Henrik Langerø vil alternere/vikariere på henhaldsvis bass og trommer.