Fotball | 24. mai 2011

Jamn topp i 5. divisjon

Lysekloster delte poeng i Rosendal, Søre Neset slo Fusa i målrik heimekamp.

Jamn topp i 5. divisjon
Kjetil Vasby Bruarøy
Kjetil Vasby Bruarøytysdag 24. mai 2011 10:31

Lysekloster spelte 2-2 borte mot Rosendal søndag, Søre Neset slo Fusa 4-3 heime i går.

– Kampen var prega av at vi ikkje var heilt på. Det svingte frå nokre gode periodar til nokre veldig dårlege periodar, samstundes er Rosendal sterke heime og kjempa hardt, seier Ørjan Sandal.

Rosendal tok leiinga halvvegs i første omgang, Lysekloster utlikna før pause. Gjestane overtoktok leiinga i 2. omgang, men Rosendal utlikna og sørgja for at Lysekloster, etter siger i alle dei fem første kampane i år, måtte dela poenga.

Rask leiing over Fusa

Søre Neset kom tidleg opp i 1-0 heime mot Fusa måndag kveld. Ørjan Håland jaga keeper i 6. minutt, som skaut rett i Håland sin fot og tilbake i eige mål.

Men Fusa utlikna fem minutt seinare og tok leiinga 1-2 til pause.

– Vi hadde spelemessig overtak, men Fusa låg lågt og var farlege på overgangar. I 2. omgang fekk vi meir fart på ballen og fekk igjen leiinga vi meinte vi fortente i denne kampen, seier Søre Neset-trenar Morten Øvrebø.

Tore Kinden utlikna til 2-2. Broren Anders skåra 3-2-målet før Tore var frampå igjen og auka leiinga til 4-2. Fusa reduserte til 4-3 før slutt.

– Sjølv om vi hadde overtaket, og hadde tre stolpeskot i 2. omgang, blei det spennande, så eg er glad vi fekk denne i hamn.

Spennande oppgjer i vente

Det er ikkje berre lokaloppgjera som er spennande i den jamne 5. divisjonsavdelinga (avd. 2). Lysekloster har framleis ei luke på 4 poeng bak til Søre Neset på 2. plass, men frå 2. plass til 7. plass er det berre 3 poeng i forskjell, til 9. plass er det 4 poeng i forskjell.

Slik ser toppen ut etter 6 rundar:
Lysekloster: 16 poeng
Søre Neset: 12 poeng
Rosendal: 10 poeng
Tornado Bergen: 10 poeng
Vadmyra 2: 10 poeng

I kveld speler Laksevåg 2 ein hengekamp heime mot Solid. Dei to laga har 9 og 8 poeng før dei i kveld kjem ajour med resten av avdelinga i talet på spelte kampar.

Solid, som er spådd å vera med i toppen og kjempa om dei to opprykksplassane, er dessutan Søre Neset sin neste motstandar.

– Dette oppgjeret blir viktig, seier Øvrebø om bortekampen fredag.

SJÅ TABELL

Spennande? Vil du ha ukas høgdepunkt i innboksen?

Last ned Midtsiden-appen idag

No kan du følgja nyhende frå Os - rett i appen.

  • Gratis å lasta ned
  • Bli varsla straks noko skjer
  • Tilgjengeleg i App Store og Google Play Store
Last ned appen
For å få tilgang til alle sakene i appen må du vera abonnent.