Juleverkstad i Øyane? Stoppa med heimesnekra skilt

Torsdag i 13.30-tida stoppapolitiet ein bil på Røtingavegen.

– Bilen hadde heimesnekra skilt, fortel politioverbetjent Atle Birkeland.

– Snekra? Var dei i treverk?

– Det er notert at dei var laga i ein kombinasjon av treverk, papp og plast, ja.

Bilen var avskilta. Dei heimelaga skilta hadde same registreringsnummer som bilen opprinneleg hadde.

– Det er mogleg at alt no er i orden med blen, av EU-godkjenning og forsikring. Men då må eigar til vegvesenet og få ut igjen skilta, du kan ikkje berre laga deg nye sjølv.

Hjort sto fast i autovern

Torsdag ettermiddag var det både eit trafikkuhell på E39 Byvegen og ein påkøyrd hjort omtrent på same stad, på Hetleflåten.

Også fredag morgon var det ein hjort som hadde problem.

– Det er uvisst om den var påkøyrd, men den skal ha stått fast i eit autovern mellom Rema og Kiwi på Byvegen.

Dette er kjent som eit utsett område. I 2018 var det tre påkøyrslar på to veker nær Gymnasvegen.

Viltkontakt blei varsla.

• Kart: Her har det vore flest hjortepåkøyrslar

Fredag morgon var det eit mindre samanstøyt mellom buss og lastebil på Hegglandsdalsvegen. Politiet rykte ut, men opprettar ikkje sak.