Lokal | 27. apr. 2010

Kaldt, men greit

Tirsdag og onsdag denne veka er NRK tilbake på Kongshaug for å spela inn nye program i serien «Åpen himmel».

Kaldt, men greit
Gjesttirsdag 27. apr. 2010 12:17

Høyr og sjå elevane i video nedst i artikkelen.

Elevane ved Kongshaug gjorde stor suksess og sette rekordar med over 330.000 sjåarar då dei deltok i programma «Frå vugge til grav» på NRK 1 i fjor. I desse dagar er NRK tilbake på Kongshaug for å filma to nye program til programserien «Åpen himmel».

Det første programmet er gjeven tittelen «Musikk ved sjøkanten».

- Har gått veldig greit
- Sjølv om det har vore kaldt å filma ute har det gått veldig greit, fortel Bård Leganger Landro, ein av musikarane vi kjem til å møta i programma.

Saman med Solveig Engmark og Laila Instefjord er han nett ferdig med å spela inn ein instrumentalsekvens.

Solveig er den einaste av dei tre som var med i førre runde. Ho fortel om mange kjekke og positive tilbakemeldingar frå vener og kjente sist dei var på TV.

Dei tre elevane har tru på at dei kan få enda fleire sjåarar denne gongen. Dei trur musikken famnar vidare enn sist.

- Denne gongen er det meir gospelinspirert enn sist, noko eg trur fleire vil setja pris på, seier Leganger Landro.

Elevane har arrangert musikken sjølv
Rektor Oddvar Rotvik overvakar det heile på passeleg avstand. Han fortel at i år har elevane vore enda meir involverte enn sist.

- Denne gongen er det elevene sjølve som har gitt gamle songar og salmer nytt arrangement. Sist var det mer lærarane som gjorde den jobben, fortel han.

Hadde håpa på grønare kulissar
- Vi hadde jo håpa at våren skulle ha komen til Kongshaug då vi avtalte innspelinga slik at det hadde vore grøne marker og blomande rododendroner som kulissar, men slik blei det ikkje.

- Sist hadde vi stemningsfulle vinterbileter som kulissar. Denne gongen var det skapargleda som skulle fram også gjennom naturen og sola. Sjøl om kulissane ikkje blei akkurat som planlagt trur eg elevane får ei flott oppleving og at dei synast det er gøy å vera med på eit så målretta prosjekt som dette, avslutar Rotvik.

Kongshaug-elevane kan du sjå på NRK 1 sundag 9. og sundag 16. mai kl 18.30 med reprise på NRK 2 dagen etter kl 12.30.

Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.