Kameratgjeng knuste alle på stafetten

Bildeserie:

1 av 23

I dag gjekk Osløpet av stabelen, der Stian Bråthen Johannessen og Kjersti Tyse Lyssand sette kvar sin nye løyperekord.

Før hovud-distansen på 6,5 km var det barneløp (vi kjem med eigen bildeserie og sak frå barneløpet) og stafett.

12 stafettlag var påmeldt, 2 i herreklassen og 10 i mixklassen.

Raskast av alle var ein atletisk kameratgjeng frå Nore Neset idrettslag; Andreas Størkson, Nicholas Særvold Pedersen, Eirik Thorsnes Nybrot og brørne Filip og Nicolai Holdhus.

Dei trener fotball, handball og friidrett og kom i mål på imponeranade 03,40 (5 x 300 meter).

KrF slo Høgre og Frp

To lag frå Os Turn friidrett kom på 1. og 2. plass i mix stafett, mens 3. plassen gjekk til raskaste politiske parti: KrF.

– Nokre av oss løper av og til, men ikkje alle. Sjølv blei eg passert av Høgre sin raskaste på veg opp mot Finnebrekka, seier Helge Olav Nygård.

Høgre låg framst på siste veksling, men varaordførar Marie Lunde Bruarøy blei passert i Landboden av KrF sin ankermann. Terje Søviknes var ankermann for Frp, og klarte å halda Arbeiderpartiet bak seg til mål. På dei neste plassane kom MDG og SV.

Au pair frå Tyskland på vinnarlaget

Raskast i mixklassen var Os Turn 2 med Håkon Herrevold, Sondre Emil Kvernes Kleppe, Tuva Olsen Klyve, Martin Monsen og Anna Wichmann.

Anna kom frå Hagen nær Dortmund til Os for tre veker sidan. Etter éi veke blei aupairen tatt med av husverten, fotballspelar Jorunn Staverløkk, til Kuventræ.

– Eg trivst i Noreg og har blitt godt mottatt i friidrettsgruppa, fortel Anna.

Ho blir verande i Os i til saman 11 månadar.