Kampen snudde to gongar

Bildeserie:

1 av 15

Lysekloster tok i dag imot Brann 2 til kamp i ausande regn. Med 1-0-siger til serieleiar Sotra over Fana laurdag, var berre tre poeng godt nok om opprykksdraumen skulle leva vidare.

Det blei ein fartsfylt, sjanserik og ganske jamn kamp.

– Eg synest Brann 2 var veldig gode i dag, og det var rett og slett ein gøy kamp med høgt tempo og mykje god angrepsfotball av begge lag, seier ein letta og glad Lysekloster-trenar Ruben Hetlevik etter at dommaren endeleg hadde blese av.

Sjøl kom Hetlevik hoppande ut på banen for å feira 3-2-skåringa. Even Hepsø Vetås blei matchvinnar i 85. minutt.

Karadas utlikna

I forkant hadde Lysekloster tatt leiing i 30. minutt ved Eirik Rode.

Azar Karadas utlikna tre minutt etter pause, Szymon Walczak sitt skot leia til mislykka klarering fire minutt seinare - ballen gjekk i boge over Kjetil Hansen og inn til 1-2 i 52. minutt.

Etter nye fire minutt var laga ajour igjen, Vladan Radojkic heda inn 2-2 i 56. minutt.

Kampen gjekk til 85. minutt før Even Vetås sprang frå Brann-forsvaret, fekk ballen over på høgre fot og lurte den forbi keeper.

Karadas fekk heada på første stolpte på corner, men utan å skåra, og Lysekloster fekk legga inn langs bakken, forbi heile målet, utan at noko endra stillinga.

Kampen enda 3-2.

Lysekloster - Brann 2 3-2 (1-0)
Kampfakta på fotball.no

Lysekloster speler også neste kamp på heimebane. Den går mot Tertnes (11. plass) søndag om ei veke.

• Tabell og terminliste