Kan ha tatt storseljar

I førre veke blei ein osing pågripe og varetektsfengsla i fire veker, mistenkt for omfattande sal av narkotika.

Kjetil Vasby Bruarøyfredag 21. mai 2010 12:04

Onsdag i førre veke blei ein osing i 30-åra pågripe, mistenkt for sal av narkotika.

- Vedkomande er varetektsfengsla i fire veker, med restriksjonar, stadfestar politiadvokat Liv Karlsen.

Det blei gjort eit større beslag av narkotika hos mannen då han blei arrestert. Kor mykje og kva type stoff vil politiet ikkje ut med.

- Eg kan av omsyn til etterforskinga ikkje seia så mykje meir om saka enno.

Mannen som er arrestert er tidlegare domfelt i narkotikasak.