Kan sikra opprykket om to veker

Bildeserie:

1 av 6

Serieleiar Os tok i kveld imot botnlaget NHH.

Os leia 3-0 til pause og vann 6-0, men spelemessig såg det ikkje ut til å vera topp mot botn i dag.

– Gutane jobba hardt, men vi fann aldri rytmen, synest Os-trenar Tim Henrik Sperrevik.

– Det blei ein del feilpasningar, samtidig kjempa NHH til siste minutt.

Os - NHH 6-0 (3-0)
Målskårarar: Fabian Bødtker (1-0 i 8. minutt), Vegard Strønen Skeie (2-0 i 23.), Mats Cato Moldskred (3-0 i 25.), Øystein Takle Eide (4-0 i 47.), Steffen Kvamsdal (5-0 i 51.) og Sander Kvittingen (6-0 i 87.).
Os: Chris Sunde Midtun - Endre Brenne, Vegard Skeie, Alexander Dale - Rafael Villén, Frode Storebø, Øystein Takle Eide - Mats Cato Moldskred, Steffen Kvamsdal og Fabian Bødtker.
Innbytarar med speletid: Martin Eidsvik, Sander Kvittingen, Kristoffer Røttingen og Anders Havsgård.

Moldskred og Bødtker ut med skade

Torkel Hjertnes og Erik Kanestrøm er ute med skade. Christoffer Hafsås, som har vore ute sidan hodeskadn mot Fyllingsdalen 2 12. august, er på veg tilbake, men spelte heller ikkje i dag.

I løpet av kampen måtte målskårarane Moldskred og Bødtker ut med skade. Kor alvorleg skadane var er uvisst.

– Då er det greit å sjå at dei andre som får sjansen leverer. Eg synest spesielt at Steffen Kvamsdal gjorde ein solid jobb i dag, seier Sperrevik.

Kvamsdal hadde to assist i tillegg til 5-0-skåringa.

Kan avgjera om to rundar

Også Lyngbø vann i helga 1-0 over Austevoll, og ligg framleis «berre» 7 poeng bak Os når 5 kampar står igjen.

I neste runde speler Os borte mot Austevoll, mens Lyngbø på 2. plass møter Sandviken på 3. plass.

Om Os vinn og Lyngbø taper i neste runde aukar avstanden til 10 poeng.

I så fall kan Os spretta proseccoen om dei vinn heimekampen mot Sandviken om to veker (laurdag 29/9).

I mellomtida vil Sperrevik truleg «ta éin kamp om gangen».

• Tabell (4. divisjon avdeling 1)