Kan vi grilla no?
Os har fått seg ein dusj med regn etter 24 tørre dagar. Kva skjer med forbodet mot open eld?
Bildeserie:
I fleire kommunar, inkludert Os, har det vore totalforbod mot open eld. Fleire butikkar og bensinstasjonar i Os tok samfunnsansvar på eige initiativ, og fjerna eingongsgrillar frå hyllene.
Etter ein rekordvarm mai og 24 dagar på rad utan regn kom det natt til måndag litt nedbør igjen.
Betyr det at forbodet mot bruk av open eld, inkludert forbod mot grilling alle andre stadar enn heime på terrassen, er over?
– Nei, forbodet står framleis, seier varabrannsjef Arne Monsen.
– Det vesle vatnet som legg seg på overflata no reduserer ikkje skobrannfaren vesentleg. Det er framleis tørt i terrenget.
Os kommune la i førre veke ut spørsmål og svar om bruk av open eld, men ein viss humoristisk vri. Sjå plakaten i bildeserien over.
– Frå i ettermiddag til torsdag skal det vera tørt. Det skal regna igjen frå torsdag og nokre dagar fram. Vi vil vurdera skogbrannfaren etter at det har kome meir vatn, og går ut med ny melding når folk kan fyra i grillen igjen.