Kanskje det største problemet
Ferjefri E39: Ei bru er "gløymt". Ikkje den over Bjørnafjorden, men den over Ulvenvatnet.
Bildeserie:
Når ein lokalt har diskutert ferjefri E39 så har ein snakka om firefelts motorveg på strekninga frå Moberg i tunell til fjorden og bru over Bjørnafjorden. 18. november fekk osingane meldinga dei har venta i over 50 år på, nemleg at ein får firefelts motorveg frå Svegatjørn til Rådalen og Bergen.
Då står ein att med ei strekning på omlag 2,5 km med berre to felt, frå Moberg til Svegatjørn.
Blir det fire felt?
På folkemøtet med Statens vegvesen og fylkeskommunen onsdag stilte Nils-Anders Nøttseter (MDG) spørsmålet.
– Kva skjer mellom Moberg og Svegatjørn?
– Kjem det ny bru, blir det fire felt?
– Både dei som bur på Kuventræ og i Varåsen høyrer trafikken godt allereie i dag, korleis vil ein løysa dette? undra Nøttseter.
– Får brynt oss
Prosjektleiar Signe Eikenes frå Statens Vegvesen innrømma at det blir ei nøtt å knekka.
– Vi må nok ha firefelts veg der også.
– Vi jobbar allereie med saken, men det er ikkje ei lett strekning. Vi skal få brynt oss der, slo Eikenes fast.
Fleire følgde opp Nøttseter sitt spørsmål, men blei ikkje så mykje klokare.
Det blir av og påkøyring frå E39 ved Svegatjørn, men korleis ein løyser vegen over Ulvenvatnet og kor tunellen ut mot fjorden skal starta er ikkje klart.
– Vi har ikkje kome dit enno i prosessen, forklarte vegsjef Helge Eidsnes.
Les òg: