Karoline tok ei rulle

– Eg kjente det litt i hovudet og nakken, men klarte heldigvis å kjøra dei to neste heata, seier Karoline etter den brutale sesongstarten på Eikås i helga.

I fjor kjørte ho sin første sesong, og i vinter blei ho kåra til årets juniorutøvar i NMK Bergen.

I helga hadde ho sin første rulle, og fekk etterpå pris av GalskapMotorsport for verste krasj.

Sjå heile løpet på YouTube. Rullen er cirka 4:30 ut i løpet.

Andre prisar blei det ikkje. Heatet ho rulla i blei ikkje teljande, så det blei 24. plass av 32 startande.

– Eg har eit godt team så bilen kom raskt på vegen igjen. Sjølv fekk eg ein kjapp helsesjekk og så blei det to heat til, seier den tøffe bilcross-jenta frå Os.

Sesongstart skulle vore i Vikedal helga før, men der var det is på banen. Neste løp blir i Vikedal 1. mai.

– Vi har ny bil under bygging, men det går ei stund til før den er klar, så eg kjører med "Elsklingen min" i Vikedal òg.