Kjede-bulking på Søfteland

Tysdag klokka 14.43 fekk politiet melding om trafikkuhell på E39 Byvegen, nær Compact AS og Søfteland barneskule.

– Eit vogntog sto og venta, delvis ut i vegen. Den første bilen svingte ut, og sånn eg har forstått det var det dei tre neste som var involvert, seier politioverbetjent Anne Lyssand.

Den neste bilen bremsa, og fekk bil nummer tre i hekken. Bil nummer tre blei så påkøyrd av bil nummer fire i rekkja.

– Ingen personar blei skadd, og dei involverte svingte inn på busslomme og fylte ut skademeldingsskjema.