Kjempar om éin OL-plass

Os-roarane Arne Hadler-Olsen og Mattias N. Haugland er treningskameratar, men kjempar om den same plassen i ungdoms-OL til sommaren.

Arne Hadler-Olsen og Mattias N. Haugland er gode kompisar, men òg tøffe konkurrentar om éin OL-plass (foto: Andris Hamre)
Andris Hamresøndag 27. apr. 2014 09:04

Bildeserie:

... under rettleiing av trenar Audun Hadler-Olsen. Roklubben har fått løyve frå kommunen å nytta motorbåt på Vindalsvatnet (foto: Andris Hamre)
Arne Hadler-Olsen på Vindalsvatnet, klar for ei ny treningsøkt (foto: Andris Hamre)
Saman med Mattias N. Haugland (foto: Andris Hamre)
... under rettleiing av trenar Audun Hadler-Olsen. Roklubben har fått løyve frå kommunen å nytta motorbåt på Vindalsvatnet (foto: Andris Hamre)
Arne Hadler-Olsen på Vindalsvatnet, klar for ei ny treningsøkt (foto: Andris Hamre)
1 av 3
Arne Hadler-Olsen på Vindalsvatnet, klar for ei ny treningsøkt (foto: Andris Hamre)
Saman med Mattias N. Haugland (foto: Andris Hamre)
... under rettleiing av trenar Audun Hadler-Olsen. Roklubben har fått løyve frå kommunen å nytta motorbåt på Vindalsvatnet (foto: Andris Hamre)

I fjor haust fekk Os roklubb løyve til å bruka Vindalsvatnet som treningsarena. Det har dei halde fram med også i vår.

– Fordelen med Vindalsvatnet er at det er 2300 meter langt. Det gjer at utøvarane får trent på den reelle konkurranselengda på 2000 meter.

– Banen vi har på Ulvenvatnet er 1200 meter. Dei siste 800 meterane betyr mykje i treningsarbeidet.

– På Vindalsvatnet får vi gjort mykje godt treningsarbeid, ikkje minst når det kjem til teknikk, forklarer trenar Audun Hadler-Olsen.

Tøffe førebuingar

Laurdag morgon hadde han planlagt to harde økter for talenta Arne Hadler-Olsen og Mattias N. Haugland.

– No skal dei først ha ei økt med 2 x 2000 meter på full speed.

– Litt seinare i dag blir det intervall-trening. Dei skal få merka det i kveld, smiler trenaren.

Gutane er glade for at dei har fått tilgang på Vindalsvatnet.

– Det betyr mykje for å klara å halda heile løpet at vi no kan trena på full distanse.

Kjempar om OL-plass

Treninga er ein del av førebuingane fram mot helga 9. til 11. mai på Årungen rostadion. Då er det nemleg uttak til ungdoms-OL.

– Gjennom junior-VM i fjor kvalifiserte Noreg seg til to plassar i OL for ein gut og ei jente.

– Arne og Mattias er to av dei ti som kjempar om den eine guteplassen, fortel Hadler-Olsen.

Ungdoms-OL går i Nainjing i Kina i midten av august. Dei som ikkje kvalifiserer seg har framleis sjansen til å kvalifisera seg til junior-VM litt tidlegare på sommaren.

– Ville vera kult

Dei to ro-talenta er gode kamerater på trening.

– Det å kvalifisera til OL vil vera kult det.

– Å få koma dit vil vera kjempegøy og ei stor oppleving.

– Men korleis er det å skulle konkurrera mot kvarandre om éin plass då?

– Det fungerer greit det.

– Eg trur Arne er meir fokusert på OL enn det eg er.

– Målet mitt er å få flest moglege internasjonale løp i år. Om det blir OL, VM eller andre løp er ikkje det viktigaste, fortel Mattias.

18 timar i veka

17-åringane fortel om ein kvardag som stort sett består av skule og trening.

– Eg rekna akkurat på det. Vi ligg vel på omlag 750 treningstimar i året.

– Kvar veke trener vi mellom 14 og 18 timar, forklarar Arne.

– Det betyr at de fleire dager i veka trener fleire økter då?

– Ja, to - tre dager i veka køyrer vi to økter per dag, men vi har òg ein dag i veka kor vi har heilt treningsfri.

– Restitusjon og skulearbeid er òg ein viktig del av treningsarbeidet, skyt trenaren inn før han sender gutane opp i båtane for laurdagens første økt.

Les meir om

Bli medlem du også!

Di støtte gir liv til lokalavisa vår.

  • Tilgang til alt innhald
  • Utan bindingstid
  • Knappe 30 kr per veke
Teikna abonnement

Abonnementet blir fornya kvar 4. veke for kr 120 per månad. Du kan seia opp kor tid du vil, og blir då ikkje belasta for neste periode.