Kjørte i rus og slo frå seg
Ein mann blei tatt med til arresten etter at han kjørte inn i eit skilt i Os sentrum og seinare slo til ein kar på nasa. To gutar blei tatt på trimma moped på Ulven, ein annan blei tatt for butikktjuveri i sentrum.
Klokka 01.45 natt til laurdag fekk politiet tips om kjøring i påverka tilstand. Mistenkte skal ha kjørt inn i eit skilt i Os sentrum.
– Patruljen rykte ut og fann mannen, som også er mistenkt for å ha slått til ein annan person, fortel politibetjent Christine Grindstein.
Fornærma har truleg knekt nasa. Mistenkte, ein mann i 30-åra, nekta for å ha kjørt bilen, men blei tatt med til fengsleg forvaring.
To gutar på trimma moped
Fredag rundt klokka 14.20 kom politiet bak ein moped som heldt høg fart over Ulvensletta.
På mopeden sat dessutan to gutar, ein meir enn kva som er lov.
– Mopeden viser seg å vera trimma. Gutane måtte setja den frå seg og forholdet blir meldt.
Fann stolen jakke
På dagtid fredag fekk politiet tips om mogleg stolen jakke.
– Vi fekk ransakingsordre hos mistenkte og fann jakken, som no er levert inn på sportsbutikken der den blei tatt.