Sport | 10. sep. 2009

Klar for Bring

Os og Bjørnar sine 16-åringar klarte å kvalifisera seg for Bring-serien. Handballjentene på 18 år glapp i sitt Spar-forsøk.

Klar for Bring
Kjetil Vasby Bruarøy
Kjetil Vasby Bruarøytorsdag 10. sep. 2009 09:10

Handballklubbane Os og Bjørnar sitt samarbeid for dei to laga under seniornivå fekk i helga bryna seg i to kvalifiseringar. Med jenter 93 sine vellukka resultat har Os-spelarar, i år under namnet Bjørnar, for andre gong lag med i den riksdekkande Bring-serien (tidlegare Posten-serien).

I den første kampen prøvde dei seg med 3-2-1-forsvar, noko som ikkje var vellukka, men då dei la om til 6-0-forsvarsarbeid henta dei seg inn frå 14-20 til pause til 23-23 mot Stord. Mot arrangørklubben Randaberg blei det 20-16-siger, nok til å kvalifisera seg til Bring-serien.

Bjørnar/Os skal spela neste kampar i Bring-serien i staren av november. Les meir på osturn.no/handball.

Ikkje Spar i år heller
Same helg som 16-åringane kvalifiserte seg til Bring-serien stilte Os og Bjørnar sitt lag til kvalifiseringkampar i Spar-serien.

- I den første kampen møtte dei Stord, og tapte dessverre 18-19. I den andre kampen sto Bækkelaget for tur, og her låg dei ti mål bak ved slutt, fortel formann i handballgruppa, Andris Hamre.

- Eit av måla med samarbeidet med Bjørnar var å stilla styrka i kamp om slike kvalifiseringar. Kva skjer vidare med samarbeidet?

- For 93-jentene blir det jo vidare spel i Bring-serien, men også for jenter 18 held vi fram med å trena saman. Dette gjev betre treningsforhold og høve til å utveksla erfaringar trenarane imellom.


Spennande? Vil du ha ukas høgdepunkt i innboksen?

Les meir om

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.