Klar for FV-festival

Karneval, konsertar og utdeling av frivilligprisen - fredag startar Frode Vidars Festivalen.

Kjetil Vasby Bruarøytorsdag 17. juni 2010 12:04

Fredag startar Frode Vidars Festival med over 200 ungar på karneval på Kyrkjeflaten.

- Vi har mange påmeldte barnehageungar, men arrangementet er ope for alle, seier Frode Sirevåg om karnevalet, som startar klokka 11.

Den offisielle opninga av første versjon av FV-festivalen er klokka 17, og Frode og Vidar B. Mæland har fått fylkesvaraordførar Tom-Christer Nilsen (H) til å ta på seg den oppgåva.

- Etter opninga blir det middagskonsert med Ugler i mosen, jazz av kvartettet Wayne og ut på kvelden Frode Vidars med venar som Vegard Skorpen, FonOs, Os Vocalis, Patricia Langeland sine dansarar og Ørjan Setvik sin coverversjon av Frode Vidars, The Mælands.

Myrna, Jostein og Glenn Erik
Også laurdag er det opplegg for ungar og familie, det unge kyrkjekoret 7 and Up og Tone Linn Mjånes kjem for å synga i 14-tida. Då kjem også Bente Bratlund for å lesa eventyr.

På kvelden er det prisutdeling. Sigrid Tvedt, Os & Kuventræ skulekorps, Søfteland Rock n´LoL og Os Sanitetsforening avdeling Søre Neset er nominert til prisen, som er på 11.000 kroner.

- Myrna Braza speler middagskonsert medan prisutdelinga blir på kvelden. Då blir det også meir musikk, blant anna med Glenn Erik Haugland, Jostein Berge, Duo Conseption - og ein heftig trommesolo av Magne Lunde.

- Alt er på Peppes og alt er gratis. Bortsett frå mat og drikke, presiserer Frode.