Kultur | 26. mai 2009

Klar for Søfteland

I dag blei to lokale band lagt til programmet for Søfteland Rock´n LoL.

Klar for Søfteland
Kjetil Vasby Bruarøy
Kjetil Vasby Bruarøytirsdag 26. mai 2009 07:43

Bildeserie:

1 av 5

Manheads og AC/DC-tributebandet Riff Raff er klare for rockefestival på Søfteland 17. og 18. juli.

Manheads har spelt på festivalen begge dei to føregåande åra, og frå førre festival til dei gjer hattrick i juli har dei blant anna gjeve ut vinyl-singel, vore med i Urørtfinalen, spelt på by:Larm, delt scene med Turboneger og, ikkje minst, blitt stemt fram til å spela på årets Norwegian Wood i Oslo.

For tida held dei på med å spela inn debutalbumet sitt, truleg blir det ein del nytt materiale å høyra under festivalen i juli.

Det populære tributebandet Riff Raff har også delt scene med kjente artistar, under Vårsleppet i 2007 fekk dei full fyr i publikum før CC Cowboys gjekk på scenen i stortelt i Os sentrum.

- Sist vi spelte i Os var før jul i fjor. Vi prøver å halda oss til maks to konsertar i heimbygda i året, seier bassist Jan Atle "Padden" Åserød.

- Eg var på Rock´n LoL i fjor. Festivalen er fin, eit bra initiativ som vi har lyst til å støtta opp under, legg han til.

Til no er åtte av artistane klare. Til saman kjem det truleg rundt 15. I tillegg til Manheads og Riff Raff er desse banda booka:

• Karin Park
• John Olav Nilsen & Gjengen
• Ungdomskulen
• Kvelertak
• Djuret (frå Sverige)
• Blood Command

Spennande? Vil du ha ukas høgdepunkt i innboksen?

Tilbod: 1 månad for 1 kr

No kan du lesa Midtsiden.no i 1 månad for kun 1 kr.

  • Tilgang til alt innhald
  • Utan bindingstid
  • Frå 145 kr/md.
Les meir og bestill

Abonnementet blir fornya kvar månad. Du kan seia opp kor tid du vil, og blir då ikkje belasta for neste periode.